КЫРГЫЗ РЕСПУБЛИКАСЫНЫН УЛУТТУК ТАРЫХ МУЗЕЙИНИН ИЛИМИЙ-УСУЛДУК КЕНЕШИНИН ОТУРУМУ ѲТТҮ

Музей жетекчиси, профессор Жылдыз Бакашованын жетекчилиги менен 5-кабатта жайгашкан туруктуу экспозициянын Эгемендүү Кыргызстан бѳлүмүн жакшыртуу, жаңыртуу жана контентин толуктоо боюнча кеңири талкуу ѳттү.

Жыйында концепция, тематикалык структура жана тематикалык экспозициялык планга кире турган ѳзгѳртүүлѳр, фондулук жактан толуктоо, кѳркѳм долбоорлоо, эскизин даярдоо иштери, этаптары жана жаңы сунушту бекитүү маселелери каралды.

Мекеменин директору, жакшыртууга зарыл болгон иштер этаптуу, рационалдуу, каржылык жактан үнѳмдүү, баштапкы бекитилген тематиканын негизинен чыкпай жасалышы керектигин белгиледи.

Илимий-усулдук кеңеш соңунда, ѳзгѳртүү муктаждыгы бар бѳлүмдүн фондулук жана кѳркѳм долбоорлоо иштерин толук иштеп чыгуу сунушун берди.