КЫРГЫЗ РЕСПУБЛИКАСЫНЫН УЛУТТУК ТАРЫХ МУЗЕЙИНЕ АЗЕРБАЙЖАН РЕСПУБЛИКАСЫНЫН МАДАНИЯТ МИНИСТРИНИН ОРУН БАСАРЫ МУРАД ГУСЕЙНОВ КЕЛДИ

Эки өлкөнүн достугун бекемдөө менен бирге, эки элдин руханий жакындыгын жогорулата турган иш сапардын алкагында, кыргыз тарыхы менен таанышуу максатында келген сый мейманды Кыргыз Республикасынын Улуттук тарых музейинин директору, профессор Жылдыз Бакашова тосуп алды.
Азербайжан Республикасынын Маданият министринин орун басары Мурад Гусейнов, кыргыз коллегасы КР Маданият, маалымат, спорт жана жаштар саясаты министринин орун басары Тимурлан Ажималиев менен биргеликте, байыркы доордон – азыркы күнгѳ чейинки тарых менен толук таанышып чыкты.
Экскурсиянын соңунда, Кыргызстандын маданиятынын байлыгына жана тарыхынын байыркылыгына суктануусун, улуттун табериктерин сактап келе жаткан мекемеге жана жетекчилигине ыраазычылыгын билдирди.